Ish-banorja e Big Brother Albania, Xheneta Fetahu, ka thyer heshtjen dhe ka folur për herë të parë lidhur me raportin e saj me Gjestin,
i cili aktualisht është pjesë e Big Brother VIP Albania.
Në një deklaratë të ndjerë, ajo shprehu zhgënjimin dhe lëndimin e saj për faktin se ndjenjat e tij nuk kanë qenë të sinqerta.
Xheneta theksoi se e ka ndjekur situatën mes tij dhe banores tjetër, Egli Tako, duke u shprehur e shokuar për mënyrën se si Gjest ka kaluar shpejt nga një raport në tjetrin.
“Jam e shokuar, e zhgënjyer dhe e lënduar vetëm për faktin se kam pasur dyshime për ndjenjat e tij. Nëse një person dashuron, nuk mund të bëjë të njëjtat gjëra pas vetëm 10 ditësh”, tha ajo.
Ajo gjithashtu u shpreh e shqetësuar që një tjetër vajzë mund të bjerë viktimë e të njëjtës situatë. “Loja është e përsëritur. Më vjen keq nëse një tjetër vajzë bie në të njëjtën grackë si unë”.
Xheneta theksoi se, ndonëse është përballur me akuza se po e shfrytëzon këtë situatë për famë, ajo nuk e ka përmendur asnjëherë Gjestin në postimet e saj.
“I kam parë të gjitha lajmet dhe më vjen keq për ata që mendojnë se unë i shfrytëzoj për famë. Unë nuk kam përmendur asnjëherë emrin e tij dhe nuk i besoj aspak. Është personi i fundit me të cilin mund të kem kontakt,” përfundoi ajo.
Reagimi i Xhenetës ka ngjallur diskutime të shumta në rrjetet sociale, ndërsa mbetet për t’u parë nëse Gjest do të japë një reagim brenda shtëpisë së BBVA. /Telegrafi/