Një moment i pazakontë ndodhi mbrëmjen e djeshme gjatë spektaklit Prime të Big Brother VIP Albania, kur Rogerti u largua përkohësisht nga shtëpia për t’u përballur sy më sy me opinionisten Monika Kryemadhi në studio.
Kjo lëvizje e papritur krijoi menjëherë reagime të forta brenda shtëpisë. Për disa çaste, banorët menduan se Rogerti ishte larguar përfundimisht nga gara, gjë që u pa qartë edhe nga reagimet e tyre të lehtësuara. Megjithatë, kjo situatë zgjati shumë pak, pasi Rogerti u rikthye sërish në shtëpi pas përballjes në studio.
Pas rikthimit, duket se ai ka reflektuar për atë që ndodhi dhe për mënyrën se si reaguan banorët gjatë mungesës së tij. Në një bisedë në Dhomën e Rrëfimit, Rogerti u shpreh se tashmë e ka më të qartë se kush janë kundërshtarët e tij më të fortë në këtë lojë.
Sipas tij, dy banorët që i sheh si rivalët kryesorë janë Selin dhe Miri. Ai shtoi gjithashtu se kishte vënë re që Mirit i ishte bërë shumë qejfi kur ai u largua përkohësisht nga shtëpia.
LEXO EDHE
-
-
-
Kjo deklaratë vjen në një moment kur marrëdhënia mes Rogertit dhe kësaj dysheje ka qenë e tensionuar, pavarësisht se së fundmi Selin dhe Miri janë përpjekur të shfaqen më të distancuar nga njëri-tjetri në lojë.
Me këto zhvillime të reja, duket se dinamika e lojës në shtëpinë më të famshme në Shqipëri do të bëhet edhe më e fortë në ditët në vijim.
