Ish-banorët e “Big Brother VIP Kosova”, Kushtrim Kelani dhe Aurora Rrusta, kanë konfirmuar publikisht se janë në një marrëdhënie dashurie.
Pas shumë aludimeve dhe vëmendjes së shtuar nga ndjekësit e formatit televiziv, dyshja ka zgjedhur platformat sociale dhe daljet publike për të zyrtarizuar raportin e tyre.
Hapi i parë drejt konfirmimit erdhi përmes një fotografie të përbashkët që ata publikuan në rrjetet e tyre sociale, ku shfaqeshin krah njëri-tjetrit.
Ky postim shërbeu si një përgjigje e drejtpërdrejtë ndaj thashethemeve që qarkullonin prej kohësh në mediat rozë, duke bërë që ndjekësit të kishin një pasqyrim më të qartë të asaj që po ndodhte mes tyre jashtë shtëpisë.
LEXO EDHE
-
-
-
Përveç postimeve virtuale, Kushtrimi dhe Aurora janë shfaqur së bashku edhe në një ambient publik. Ata kanë qenë të pranishëm dhe të përqafuar në eventin privat të organizuar nga Londrimi, i cili u shpall fitues i edicionit të katërt të “Big Brother VIP Kosova”.
Prania e tyre në këtë festë, e shoqëruar me gjeste afrimitetit, hoqi çdo dyshim rreth vërtetësisë së romancës së tyre.
Kjo lidhje e re i shtohet historive të tjera të dashurisë që kanë lindur ose janë konsoliduar përgjatë këtij edicioni të “Big Brother VIP Kosova”.
