Ngjarja e rëndë ka ndodhur në Himarë, më 22 korrik 2026, ku një punonjës i OSHEE-së ka ndërruar jetë teksa po punonte për të sanuar një defekt në sistemin elektrik, pasojë e stuhisë së fuqishme që goditi rajonin.
Kushtet e këqija atmosferike, të shoqëruara nga reshjet dhe erërat e forta, krijuan dëme të shumta në rrjetin e energjisë, gjë që kërkoi angazhimin e ekipeve të operatorit në terren për të rregulluar prishjet.
Bëhet fjalë për një 55-vjeçar nga qyteti i Elbasanit, i cili kishte mbërritur në zonë për të asistuar grupet lokale në përpjekjet për rikthimin e dritave.
Teksa ishte ngjitur në shtyllën elektrike për të rregulluar një kabull, rripi që e mbante të siguruar në bel u shkëput, duke sjellë rrëzimin e tij nga një lartësi prej 9 metrash, gjë që i shkaktoi vdekjen e menjëhershme.
LEXO EDHE
-
-
-
Në këto momente, personeli teknik vazhdon pa ndërprerje punën në terren për të rikthyer normalitetin në furnizimin me energji në të gjitha zonat e dëmtuara nga moti i keq.
