Grupi hetimor planifikon të intervistojë sërish Rozalinda Plakën, 24-vjeçare e cila ka kaluar përvoja traumatike pas mbajtjes peng nga ish-partneri i saj, Refit Buzi. Ky i fundit është përgjegjës për vrasjen e babait të saj dhe plagosjen e rëndë të nënës, e cila vdiq disa orë më vonë nga plagët e marra.
Sipas informacioneve nga burime pranë hetimit, dëshmia fillestare e Rozalinda nuk ka mundur të ofrojë sqarime të mjaftueshme për shkakun që e shtyu 35-vjeçarin të kryente këtë akt të tmerrshëm dhe më pas të kryente vetëvrasje, pas një periudhe prej afro 10 orësh negociatash me Policinë dhe forcat speciale.
Pas lirimit nga autori, Rozalinda ka përshkruar vetëm ato që ndodhën brenda shtëpisë gjatë mëngjesit të 24 korrikut. Në gjendje të rënduar psikologjike, ajo ka deklaruar se ishte duke fjetur kur dëgjoi zhurma të papritura në shtëpi. Me zgjimin e saj, ajo e pa Refit Buzin në dhomën e saj, të armatosur me një armë gjahu.
“Më kërcënoi të shkoja në makinë me të dhe ta ndiqja nga pas”, ka thënë ajo për hetuesit. Në ato çaste, 24-vjeçarja ndjehej e konfuzuar dhe nuk arrinte të kuptonte asgjë nga ajo që kishte ndodhur në shtëpi. “Pashë vetëm babanë të shtrirë në kuzhinë, ndërsa nënën nuk arrita ta shihja”, ka shtuar ajo në dëshminë e saj.
LEXO EDHE
-
-
-
“Më kërcënoi të shkoja në makinë me të dhe ta ndiqja nga pas”, ka deklaruar ajo para hetuesve. 24-vjeçarja ka treguar se në ato momente nuk e kuptonte çfarë kishte ndodhur në banesë. “Pashë vetëm babanë të shtrirë në kuzhinë, ndërsa nënën nuk arrita ta shihja”, mësohet të ketë dëshmuar ajo.
Për këto arsye, hetuesit po planifikojnë ta thërrasin atë përsëri në intervistë gjatë fazës së mëtejshme të hetimeve.
Ngjarja tronditëse ka ndodhur mëngjesin e 24 korrikut në fshatin Vidhisht të Roskovecit, ku Kosta Plaka u vra dhe bashkëshortja e tij, Belere Plaka, mbeti e plagosur rëndë, por ndërroi jetë më vonë. Refit Buzi, autori 35-vjeçar, kreu vetëvrasje në mjetin e tij pas negociatave të pasuksesshme për dorëzim, pas një periudhe të gjatë presioni.
