Një detaj i rëndësishëm që dikur ishte pjesë e traditës së programit është zhdukur pa shumë zhurmë.
Bëhet fjalë për përmbledhjen e momenteve më të bukura të banorëve, e cila zakonisht shfaqej pas eliminimit të një konkurrenti. Dikur, sapo banori i eliminuar largohej nga shtëpia dhe mbërrinte në studio, publiku priste me padurim të ndiqte një kolazh me momentet më të spikatura dhe emocionuese të tij gjatë qëndrimit në shtëpi. Kjo përmbledhje krijonte një ndjenjë nostalgjie dhe vlerësimi për rrugëtimin e secilit banor.
Por, në dy episodet e fundit të BBVA, ky detaj duket se është hequr plotësisht. Eliminimet kryhen, intervistat në studio vazhdojnë, por mungon momenti i veçantë që i jepte një mbyllje dinjitoze rrugëtimit të banorit.
A do ta rikthejë produksioni këtë element në episodet e ardhshme? Mbetet për t’u parë.