Lori Hoxha bën daljen e saj të parë publike pas ardhjes në jetë të djalit

Pas lindjes së djalit të saj, Lori Hoxha është shfaqur për herë të parë para publikut. Ajo ka qenë pjesëmarrëse në ceremoninë e hapjes së selisë së re të Konsullatës së Nderit të Meksikës në kryeqytet, një event ku Ambasadori Genaro Lozano shpalli zyrtarisht funksionimin e ambienteve të reja.

Duke qenë se Lori ka preferuar një profil të ulët mediatik kohët e fundit dhe ka munguar në aktivitetin e saj të zakonshëm në rrjetet sociale, shfaqja e saj në këtë ceremoni nuk kaloi pa u vënë re nga të pranishmit.

Stili dhe eleganca që ajo shfaqi në këtë dalje u bënë kryefjala e komenteve në internet, teksa Lori dukej në një formë fizike të shkëlqyer.

Teksa zhvillohej ceremonia, ajo ishte e vendosur përkrah ambasadorit, në një ngjarje që u konsiderua si një avancim domethënës për lidhjet dhe bashkëpunimin mes Shqipërisë e Meksikës në sferën konsullore.